MDH-એવરેસ્ટ મસાલા પર નેપાળે લગાવ્યો પ્રતિબંધ: મસાલામાં આવતા કીટનાશક એથિલીન ઓક્સાઈડના પગલે લેવાયો નિર્ણય, બ્રિટને પણ સખ્તી વધારી
- 17 May, 2024
સિંગાપુર અને હોંગકોંગ પછી હવે નેપાળે ભારતની બે મસાલા બ્રાન્ડ એવરેસ્ટ અને એમડીએચના વેચાણ, ઉપયોગ અને આયાત પર પ્રતિબંધ લગાવ્યો છે. નેપાળના ખાદ્ય પ્રૌદ્યોગિક અને ગુણવત્તા નિયંત્રણ વિભાગે આ મસાલાઓમાં કીટનાશક એથિલીન ઓક્સાઈડ હોવાની શક્યતાની વચ્ચે આ નિર્ણય લીધો છે. આ મસાલાઓમાં એથિલીન ઓક્સાઈડની તપાસ શરૂ કરી દેવામાં આવી છે.
નેપાળના ફૂડ ટેક્નોલોજી વિભાગના પ્રવક્તા મોહન કૃષ્ણ મહારાજને જણાવ્યું કે એવરેસ્ટ અને MDH બ્રાન્ડના મસાલાની આયાત પર પ્રતિબંધ લગાવી દેવામાં આવ્યો છે. અમે બજારમાં આ મસાલાના વેચાણ પર પણ પ્રતિબંધ મૂક્યો છે. આ મસાલામાં હાનિકારક રસાયણો હોવાના સમાચાર મળ્યા બાદ આ પગલું ભરવામાં આવ્યું છે. આ બંને બ્રાન્ડના મસાલામાં ખતરનાક કેમિકલની તપાસ ચાલી રહી છે. તેનો તપાસ રિપોર્ટ આવે ત્યાં સુધી પ્રતિબંધ જળવાઈ રહેશે.
MDH અને એવરેસ્ટ દાયકાઓથી રસોઈમાં વપરાતાં મસાલાઓમાં મોટું નામ બની ગયા છે. આ બ્રાન્ડ્સના મસાલા મધ્ય પૂર્વ સહિત વિશ્વના ઘણા દેશોમાં નિકાસ કરવામાં આવે છે. MDH અને એવરેસ્ટ મસાલાની તપાસ બ્રિટન, ન્યુઝીલેન્ડ, અમેરિકા અને ઓસ્ટ્રેલિયામાં પણ શરૂ થઈ શકે છે. બીજી બાજુ કડક પગલાં લેતા બ્રિટનની ફૂડ સેફ્ટી એજન્સી (FSA) એ કહ્યું હતું અમે ભારતમાંથી આવતા તમામ મસાલા પર ઝેરી જંતુનાશકોનું પરીક્ષણ કરી રહ્યા છીએ. હાલમાં આ મામલે તપાસ કરવામાં આવી રહી છે.
ગુજરાત વંદનના whatsapp ચેનલમાં જોડાવા આ લિંક પર ક્લિક કરોઃ
https://shorturl.at/hjzN0
ગુજરાત વંદનના whatsapp ગ્રુપમાં જોડાવા આ લિંક પર ક્લિક કરોઃ